આપણી ભવ્ય ભારતભૂમિ દેવાની ક્રિડાસ્થળી તેમજ ઋષિ-મુનીઓની આત્મચિંતન ભૂમિ તરીકે તાદ્દશ્ય કરાવે છે. આવી ભારતભૂમિના ભૂગર્ભમાંના આકાશમાં વાદળરૂપી ઘટામાં સૂર્યરૂપી વિભૂતિઓ ઢંકાયેલી છે. તેથી ભારત ભૂમિ અનેક રત્નોની જન્મદાત્રી છે. સમયાનુસાર અનેક મહાન વિભૂતિઓ આ ભૂમિ ઉપર થઇ ગયેલ છે. જ્યારે જ્યારે ધર્મનું નૈત્તિક તેમજ આધ્યાત્મિક પતન થયું, ત્યારે ત્યારે આ ભૂમિએ જ્ઞાની, ધ્યાની તેમજ ઉત્કૃષ્ટ વિભૂતિઓને જન્મ આપી ધર્મની રક્ષા કરી છે. આમ જ્ઞાનરૂપી સૂર્યપ્રકાશે અજ્ઞાનરૂપી અંધકારરાત્રીનો નાશ કર્યો છે. આ ભારતભૂમિ વિશ્વભરની વિશેષતા છે. આવી આ વેદભૂમિમાંથી જ્ઞાનરૂપી સૂર્યોદય પ્રાશ્ચાત્ય દેશોમાં પોતાના કિરણો દ્વારા જ્ઞાનને ઝળહળતો કરે છે.